Монгол хэл — Эх хэлний хөтөлбөр
“Эх хэлний дархлааг суулгана.”
Монгол хэл — Эх хэлний хөтөлбөр
БШУЯ-ын цөм хөтөлбөрт үндэслэн хүүхдийг эх хэлээрээ зөв, оновчтой ярьж, бодол санаагаа ойлгомжтой илэрхийлэн, унших бичих чадвараа бүтээлчээр хөгжүүлнэ. Төрөл бүрийн эхийг уншиж, сонсож ойлгох, санаа бодлоо амаар болон бичгээр илэрхийлэх чадварыг системтэй эзэмшинэ. Монгол хэлний зүй, үгийн сангийн суурь мэдлэгт тулгуурлан хэлний хэрэглээг бодит нөхцөлд ашиглах, соёлтой харилцах дадал төлөвшүүлнэ.
Арга зүй
Хичээл нь сонсох, ярих, унших, бичих чадварыг тусад нь биш, уялдаа холбоотойгоор хөгжүүлэхэд чиглэнэ. Хүүхэд үлгэр, өгүүллэг, шүлэг зэрэг төрөл бүрийн эхтэй ажиллаж, уншиж ойлгох, гол санааг ялгах, асуултад хариулах, өөрийн бодлыг илэрхийлэх дадал эзэмшинэ. Унших чадварыг шаталсан байдлаар хөгжүүлж, зөв унших → ойлгож унших → шүүн тунгааж унших → бүтээлчээр унших түвшинд ахиулна. Бичих чадварыг үсэг бичихээс эхлэн өгүүлбэр, эх зохион бичих хүртэл алхамчилсан, системтэй эзэмшүүлнэ.